ДЕЗИНСЕКЦИЯ

ДЕЗИНСЕ́КЦИЯ (дез… ж-а лат. insectum – курт­кумурска) – оору козгогуч чымын-чиркейлерди, азык-түлүк ж-а өсүмдүктөргө зыян келтирүүчү курт-кумурскаларды жок кылуу. Д. турмуш-ти­ричиликте чымын, таракан, кантала, бүргө, бит­терди жок кылуу, о. эле чиркей, кене ж. б-лар­дан сактануу үчүн жүргүзүлөт. Д-лык чаралар алдын алуучу ж-а кырып жок кылуучу болуп бөлүнөт. Алдын алууда турак жайды таза кар­мап, тамак-ашты чымын, таракан, кумурска­лар кире албаган идиште сактоо ж. б. кирет. Курт-кумурскалар, алардын жумурткалары физ., хим. ж-а биол. жол м-н жок кылынат. Физ. жолдорго кийим, төшөнчү, килем ж. б. буюмдарды күбүп, кагуу, чаӊ соргуч м-н сорду­руу, чымын, таракан кармагычтарды, лампа, кайнак суу ж. б. пайдалануу кирет. Хим. жол м-н жок кылууда хим. каражаттар – гексахло­ран, ДДТ, хлорофос ж. б., биол. Д-да микроор­ганизмдер, канаттуулар пайдаланылат.