ДЕКЛАМАЦИЯ

ДЕКЛАМА́ЦИЯ (лат. declamatio – чечендикке машыгуу) – ыр же кара сөз чыгармаларын кы­раат м-н жатка айтуу өнөрү. Д. Байыркы Рим­де чечендик өнөргө, Францияда кара сөздү же ырды сахнада айтууга машыгуу катары эсеп­телсе, 17–18-к-дагы классицизм театрларында актёрдук оюнду, жаӊдоону, кыймыл-аракеттер­ди бириктирген түшүнүк болгон. Классицизм шаан-шөкөттүн, ак сарай талабына ылайык сах­налык речтин салтанаттуу, көтөрүӊкү чыгы­шын, өзгөчө кыраат ыкмасын канондоштурган. 18-к-дын аягы – 19-к-дын башында театрларда романтизм м-н реализм тенденциясынын өсүшү классицизмдин Д-лык канондорунун кыйра­шына алып келген. Кыйла мезгилге чейин ыр­дын эстрадалык айтылышы да Д. деп аталган. Д. көркөм окуу деп да аталат.