ДЕКЛАРАЦИЯ

ДЕКЛАРА́ЦИЯ (лат. declaratio – жарыялоо, билдирүү) – жалпы алганда, мамлекет же мам­лекеттер тобу, эл аралык уюм тарабынан тигил же бул ишмердүүлүктөрүнүн негиздери туура­луу салтанаттуу жарыяланган документтин рас­мий аталышы; 1) мамлекеттин ички-тышкы саясатынын принциптери расмий түрдө жа­рыя билдирилген акт; 2) эл аралык укукта ка­тышкан тараптардын дүйнөлүк саясаттын өзгө­чө олуттуу маселелери б-ча өз ара макулдашуу м-н кабыл алган негиздерин ырастаган салта­наттуу акт; милдеттүү күчкө ээ эмес; 3) Айрым тармактарда колдонулуп жүргөн документ­тердин аталыштары (мис. киреше Д-сы, бажы Д-сы.).