ДАЛБАЕВ

ДАЛБАЕВ Сатыбалды (15. 12. 1934-жылы туулган, азыр­кы Жалал-Aбад облусу, Базар-Коргон району, Ооган-Талаа кыштагы) – Кыргыз ССР эл артисти (1974), Ток­тогул атындагы мамлекеттик сыйлыктын лауреаты (1986). Москва­дагы Луначарский атн. ГИТИСти бүткөндөн (1957)

Кыргыз мамл. акад. драма театрында иштейт. Д. түз­гөн образдарга тереӊ граж­дандуулук, психологизм мү­нөздүү. Улуу муундардан үл­гү алган залкарлардын бири Д. түрдүү жанрдагы спектакл­дерде бирине бири окшобо­гон образдарды жараткан: Чоро (Ч. Айтматов, «Жаны­барым, Гүлсарым»), Жакып хан (Ж. Садыков, «Манастын уулу Семетей), Омар Хайям (К. Мам­бетакунов, «Омар Хайямдын махабаты»), Незна­мов (А. Островский, «Күнөөсүз күнөөлүүлөр»), Сейит (Ч. Айтматов, «Жамийла»), Аскар (Т. Аб­думомунов, «Бюро жүрүп жатат»), Лоренцо (У. Шекспир, «Ромео менен Жульетта»), Ленин (К. Маликов, «Бийик жерде»), Ленин (К. Паус­товский, «Эски шинелчен адам»), Качы (А. То­комбаев, «Өлбөстүн үрөнү»), В. Ульянов (И. По­пов, «Ульяновдордун үй-бүлөсү»), Молчалин (А. Грибоедов, «Акылдан азап») ж. б. 100гө жакын роль аткарган. Базар-Коргон р-нундагы Ооган-Талаа айылындагы орто мектепке Саты­балды Далбаевдин ысмы ыйгарылган (2000).

Ч. Айтматов. «Жамийла». Сейит – С. Далбаев, Дани­яр – Н. Турсунбаев, Жамила – М. Далбаева.

Эмгек Кызыл Туу, III даражадагы Манас орден­дери, «Даӊк» медалы м-н сыйланган. КМШ өлкө­лөрүндө, Түркияда гастролдо болгон.