ДИАТЕЗ

ДИАТЕ́З (гр. difthesis – жакын) – организмдин ар кандай ооруларга жакындыгы, түрдүү дүүлүк­түргүчтөргө тубаса же кийин пайда болгон өзгөчө сезгичтиги. Көбүнчө жаш балдар ооруйт. Анын бир нече түрү бар. Э к с у д а т - к а т а р д ы к Диатез 3 жашка чейинки балдарда көп жолугат. Анда баланын денесинде дүүлүктүрүүчү бөрү жатыш ж-а кызыл тактар пайда болуп кычы­шат. Л и м ф а Диатези м-н 3–7 жаштагы балдар көп ооруйт. Мында организмдин түрдүү заттар­га сезгичтиги күчөйт. Анын тукум куума ж-а тубаса түрү бар. Н е р в - м у у н Диатези негизинен нерв системасынын өзгөчөлүгүнөн ж-а организм­де зат алмашуунун бузулушунан пайда болот. Г е м о р р а г и я Диатези каны начар уюган адам­да жолугат. Негизги белгилери: бети кызарып, дүрдүйөт, тизеде, каштын үстүндө тактар пай­да болуп, чач какачтанат, териси бышат. Мын­дай балдар бат-бат ооруйт, ичи өтөт же катат. Диатез болгон балада тери оорулары (экзема, нейро­дермит, кычыткы), дем алуу органдарынын оорулары (бронхит, бронх астмасы) көп жо­лугат. Дарылоону себептерине ж-а организмдин өзгөчөлүгүнө жараша врач жүргүзөт. Баланы мүнөздөп тамактандыруу сунуш кылынат. Ал­дын алуу үчүн кош бойлуу аялдар ж-а бала эмиз­ген энелер Диатез пайда кылуучу тамак-ашты же­бей, талгактан ж. б. оорулардан өз убагында дарылануусу зарыл.