ДИСПРОЗИЙ

ДИСПРО́ЗИЙ (лат. Disprosium), Dy – элемент­тердин мезгилдик системасынын III тобунан орун алган хим. элемент. К. н. 66, ат. м. 162,50, массалык саны 147Dу – 167Dу болгон 21 изотобу бар. Жаратылышта массалык саны 156–164 болгон изотобу кездешет. Жер кыртышында 4,5 ^. 10–4%ти түзөт. Лекок де Буабодран 1886-ж. оксид түрүндө алган. Ал – күмүш түстүү ак ме­талл; б. эрүү t – 1407°С; кайноо t – 2600°С; би­рикмелеринде +3 окистенүү даражасын көрсөтөт. Д. магниттик куймалардын, атайын жасалган айнектердин курамына кошулат. Металлдар­ды легирлөөдө, радиоэлектроникада, химия ө. ж-нда катализатор катары, о. эле медицинада тери ооруларын дарылоодо да колдонулат.