ГҮЛЧӨ

ГҮЛЧӨ – Ош обл-ндагы Алай р-нун борбору, кыштак. Гүлчө айыл округуна караштуу. Ош – Хорог автомобиль жолунун ж-а Гүлчө суусунун боюнда, деӊиз деӊг. 1600 м бийиктикте жайгашкан. Ош ш-нан 85 км түш.-чыгыш тарапта. Кыштак 1870-ж. отурукташкан. Калкы 13,0 миӊ (2009). Гүлчө АКсы, май з-ду, нан комбинаты иштейт, төрт орто мектеп (а. и. 2 лицей), балдардын чыг-лык борбору, бала бакча, мад-т үйү, музей, китепкана, оорукана, тиш дарылоо кабинети, үй-бүлөлүк врачтар тобу, эс алуу жайлары, мончолор бар. Кыштактын аймагында б. з. алгачкы кылымдарына таандык Гүлчө-Дөбө археол. эстелигинин калдыктары сакталган.