ДИНИШЕВ

ДИНИШЕВ Алибек (30. 7. 1951-жылы туулган, Алматы) – казак опера ырчысы, Казак эл артисти (1981), СССР эл артисти (1986). 1970-жылы Алматы музыкалык окуу жа­йын, 1976-жылы Алматы консерваториясын (азыр­кы Казак улуттук консерваториясы) бүтүргөн. 1976–79-жылдары Казак опера жан­а балет театрында иштеп, Ленскийдин (П. И. Чайков­ский, «Евгений Онегин»), Владимирдин (А. П. Боро­дин, «Князь Игорь»), Ай­дардын (А. Жубанов, Л. Ха­миди, «Абай»), Төлөгөндүн (Е. Г. Брусиловский, «Кыз Жибек»), Санаттын (Е. Рах­мадиев, «Дың тууралуу ыр»)

жана Косаевдин (Г. Жубанова, «Жыйырма сегиз») жана башка партияларды аткарган. Кыргызстанга бир нече ирет келип, концерт берген. Репертуарында эл ырлары да кеңири орун алган. Динишев – Бүткүл союз­дук комсомол сыйлыгынын (1979), профессионал ырчы­лардын М.И. Глинка атындагы эл аралык конкур­сунун (Цвиккау, 1977), Рио-де Жанейродо өткөн эл аралык кароонун (Бразилия, 1979) лауреа­ты. 1997-жылы «Алибек Динишев театрын жана вокал академиясын» уюштуруп, аны жетектөө­дө. 1998-жылы бул театрда вокалисттердин 1-эл ара­лык кароо-конкурсу өткөн. «Парасат» ордени менен сыйланган (1996). Ч. Жумагулов.