ДУМБАДЗЕ

ДУМБА́ДЗЕ Нодар Владимирович (14. 7. 1928, Грузия, Тбилиси – 14. 9. 1984, ошол эле жер) – грузин жазуучусу. Тбилиси университетин бүтүргөндөн (1950) 1973-жылга чейин ошол университеттин экономика кафедрасында иштеген. Кийин жаштар журна­лында адабий кызматкер, «Нианги» сатиралык журналынын башкы редактору, 1973–84-жылдарда Гру­зия жазуучулар союзунун катчысы, төрагасы болгон. «Айыл баласы» алгачкы аңгемелер жый­нагы 1958-жылы жарык көргөн. «Мен, чоң энем, Илико жана Илларион» повести (1960), «Мен күндү көрүп турам» романы (1960) согуш мезги­линдеги грузин кыштак турмушун чагылдыр­ган. Курч публицистикалык маанайдагы «Ак желектер» (1973, Грузиянын мамлекеттик сыйлыгын алган), «Түбө­лүктүүлүк мыйзамы» (1978; Лениндик сыйлык, 1980) аттуу романдары өз мезгилинин маа­нилүү социалдык-адеп-ахлак маселелерин коз­гойт. 1979-жылы СССР Жогорку Советине депутат болгон.