ЕВРОРЫНОК

ЕВРОРЫНОК (англ. Euromarket) – операцияла­ры евровалюталарда ишке ашырылуучу ссуда капиталдарынын эл аралык рыногу. Батыш Ев­ропада 1950-жылдарда пайда болгон. Е. финан­сылык глобалдаштыруунун бир түрү болуп сана­лат. Е-тун катышуучулары: карыздакорлор – көбүнчө ар түрдүү өлкөлөргө капитал салууну финансылоо үчүн кредитке муктаж улуттар ара­лык монополиялар‚ о. эле тартыш төлөм балан­сына ээ мамлекеттер; эл аралык кредит опера­цияларын чет өлкөлүк валютада (евровалюта­да) ишке ашыруучу кредиторлор – менчик ком­мерциялык банктар. Е. бир нече секторду кам­тыйт: евровалюта рыногу (кыска мөөнөттүү – бир жылга чейин – банктар аралык депозит­тер)‚ еврокредиттер рыногу (кредиттик макул­дашуу м-н жазылуучу 2–10 жылга орто мөөнөт­түү ссудалар)‚ еврофинансы рыногу (орто ж-а узак мөөнөттүү карыздар‚ 10дон 15 жылга че­йин). Е-тун экономикага таасири кош мүнөздө болот. Бир тараптан‚ ал мамлекеттер аралык масштабдарда микрочарбалык байланыштарды‚

өндүрүштүк концентрацияны ж-а капиталды борборлоштурууну өнүктүрөт. Экинчи жагынан‚ Е. өлкөгө чет өлкөлүк капиталдын өтө агып киришин‚ тескерисинче, улуттук валютанын чет өлкөгө агып чыгышын токтотуу үчүн өкмөттү мезгили м-н валюталык ж-а кредиттик чек­төөлөрдү киргизүүгө мажбурлоо м-н, айрым өл­көлөрдүн улуттук акча-кредит системасына де­зорганизациялоочу таасир көрсөтөт.