ЖАНАРТОО-ЧӨКМӨ КЕНДЕР

ЖАНАРТОО-ЧӨКМӨ КЕНДЕР – деңиз м-н океан түбүндө атылган жанартоолордон чык­кан минералдык заттардын жыйылып, деңиз чөкмөсү м-н бирге пайда болгон кендер. Ж.-ч. к-ге темир, марганец ж-а колчедан кенташта­ры, айрым илимпоздордун изилдөөлөрү б-ча боксит м-н фосфориттердин кендери кирет. Алар лава, күл (чаң, кум) ж-а кремнийлүү тоотектер­дин деңиз чөкмөлөрү м-н аралашып жаткан калың катмарларында кабат же желвак түрүндө кезигет. Бардык геол. мезгилдердеги тоотектер­де жолугат. Кырг-ндагы Жетим темир кенташ бассейни, Арчалы марганец кени, Жакболот мар­ганец кени ж. б. Ж.-ч. к-ге кирет.