ЖАТАН (ЯТАН) КҮРӨҢ КӨМҮР КЕНИ

ЖАТАН (ЯТАН) КҮРӨҢ КӨМҮР КЕНИ Хош­чан (Кыркол) суусунун оң жээгинде, Жалгыз- Арча кырка тоосунун түш. капталында, Ош обл­нун Ноокат р-нунда жайгашкан. Кен 1902- жылдан белгилүү, издөө ж-а чалгындоо иштери 1934-жылдан 1987-жылга чейин мезгил-мезги­ли м-н жүргүзүлгөн. Көмүр кабаттары юра кат­мары м-н байланышкан. Кендин негизги түзүлү­шү – жантайып жаткан синклиналдык бүктөм. Көмүрлүү катмарда 3 кабат бөлүнгөн, анын ичи­нен төмөнкү «Негизги» деп аталган татаал түзү­лүштөгү кабат ө. ж-лык мааниге ээ. Анын жал­пы калыңдыгы 1,73 мден 31,11 мге чейин өзгө­рөт. Сапаты б-ча кендин көмүрү күрөң көмүр мар­касына таандык. Көмүрдүн орт. күлдүүлүгү 21,35%, күйүү жылуулугу 27,53 МДж/кг (6578 ккал/кг). Ачык казып алуу запасы – 1286 миң т, жер ал­дынан казып алуу запасы – 15450 миң т, барды­гы С₁ ж-а С₂ категориясы б-ча 16736 миң т.