ГРАЦ

ГРАЦ – Австриядагы шаар. Штирия жеринин (адм.-айм. бирдик) адм. борбору. Мур д-нын боюнда, Штирия Альп тоолорунун этегинде жайгашкан. Калкы 276,5 миӊ (2015). Чоӊдугу ж-а экон. мааниси б-ча өлкөдөгү экинчи (Венадан кийинки) шаар. Маанилүү жолдор тоому. Машина куруу, хим., кагаз, жеӊил, тамак-аш өнөр жай ишканалары иштейт. Ун-т, Штирия, криминалистика музейи бар. 13–18-к-дын арх-ра эстеликтери, епископ сарайы, Шлосберг капкасынын урандысы ж. б. сакталган.