ИЙКЕМДҮҮ АВТОМАТТАШТЫРЫЛГАН ӨНДҮРҮШ

ИЙКЕМДҮҮ АВТОМАТТАШТЫРЫЛГАН ӨНДҮРҮШ – өзүн-өзү түзөп, жөндөөчү татаал технол. комплекс. Бул комплекс – өндүрүштүк, маалымат ж-а байланыш системаларын кам­тыйт. Ийкемдүүлүк – өндүрүштүн жаңы үлгүдөгү, сапаттуу, продукция чыгарууга болгон жөндөм­дүүлүгү. Мындай жөндөмдүүлүктүн негизинде – И. а. ө. системасынын арх-расы робот тех. ком­плекстеринин базасынын негизинде түзүлөт; жергиликтүү (локалдык) эсептөөчү тармактар, өзгөчө алгоритмдик, программалык жабдуу иш­ке ашырылат. И. а. ө. системасынын негизги бөлүгүн робот тех. комплекс (РТК) түзөт. РТК-информациялык ж-а автоматикалык башкаруу системаларынан, технол. жабдуулардан, мани­пуляциялык ж-а унаа каражаттарынан турат. РТКда автоматикалык башкаруу системасы, технол. системанын иштөөсүн программалоо ж-а башкаруу үчүн кызмат кылат.