ЖАМАНОВ

ЖАМАНОВ Сыдыкбек (1913-жылы туулган, азыркы Нарын облусу, Жумгал району, Беш-Терек кыштагы – 24. 7. 1993-жыл, Бишкек шаары) – драма артисти, Кыргыз ССРинин эл артисти (1958), Кыргыз ССР Токтогул атындагы мамлекекеттик сыйлыктын лауреаты (1986).

С. Жаманов атайын билим албаса да, кыргыздын кесипкөй театр өнөрүн баштоочулар­дын катарында табигый та­ланты жана талыкпаган эм­геги аркылуу театр тарыхы­на из калтырган. Эмгек жо­лун 1936-жылы балдар театрын­да иштөө менен баштаган, 1941-жылдан Кыргыз мамлекеттик драма театрында иштеген. Негизги ролдору: Каныбек, Курманбек (К. Жан­төшев, «Каныбек», «Курманбек»), Түлкү (К. Ма­ликов, А. Куттубаев, «Жаңыл»), Болот (А. Кө­бөгөнов, «Болот менен Тынар»), Ашырбай (Т. Абдумомунов, «Ашырбай»), Балбай (А. То­комбаев, «Өлбөстүн үрөөнү»), Субанкул (Ч.Айтматов, «Саманчы жолу»), Яровой (К. Тренёв, «Любовь Яровая»), Жолдош (Н. Байтемиров, «Уркуя»), Забелин (Н. Погодин, «Кремль курант­тары»), Бакай (Ж. Садыков, «Манастын уулу Семетей», «Сейтек») жана башкалар. «Илья Муромец», «Салтанат», «Менин жаңылыштыгым», «Алыс­кы тоолордо», «Токтогул», «Эрте жаздагы тур­налар», «Он үчүнчү башкарма» жана башка кино тасмаларга тартылган. «Өнөр өргө жетелейт» деген ме­муардык китептин жана бир нече пьесанын ав­тору.