ИРАН ТИЛДЕРИ

ИРА́Н ТИЛДЕРИ – инди-европа тил уясынын инди-иран бутагына кирген тилдер тобу. Иран­дан сырткары Афганстан, Тажикстан, Пакис­тан, Россия, Ирак, Түркия, Сирия, Грузия, Азербайжан, Түркмөнстан, Өзбекстан, Израил, о. эле Европа ж-а Америка өлкөлөрүнүн диас­пораларына да тараган. И. т. фонетикалык өзгөчөлүктөрүнө ылайык батыш ж-а чыгыш деген эки чоң топко бөлүнүп, батыш тобу түн.- батыш ж-а түш.-батыш, ал эми чыгыш тобу түн.-чыгыш ж-а түш.-чыгыш топчолоруна ажы­райт.