ГРЯЗНОВ

ГРЯЗНО́В Михаил Петрович (13. 3. 1902, Россия, Тюмень обл., Ханты-Манси автономиялык округу, Березово кыш. – 18. 8. 1987, Санкт-Петербург) – орус окумуштуусу, археолог, тарых илимд. доктору (1945). 1925-ж. Санкт-Петербург ун-тин бүтүргөн. 1925–53-ж. Мамл. орус музейинин, Материалдык мад-т тарыхы мамл. академиясынын, Эрмитаждын ил. кызматкери, бөлүм башчы, 1953–84-ж. СССР ИАнын Археол. ин-тунда, СССР ИАнын Президиумуна караштуу Археол. изилдөө бөлүмүндө ил. кызматкер болуп иштеген. Ал 20-к-дын аягында Кырг-ндагы сак, усун эстеликтерине изилдөө жүргүзгөн. Анын ил. эмгектери негизинен коло доору мезгилиндеги О. Азиянын ж-а Түш. Сибирь көчмөн урууларынын тарыхын, мад-тын ж-а чарбасын изилдөөгө арналган.