ЖУМАКАЕВА

ЖУМАКАЕВА Тамара (5. 5. 1942-жылы туулган‚ Нарын облусу‚ Нарын району‚ Куланак айылы – 2. 3. 2001-жыл‚ На­рын шаары) – Кыргыз CCР эл артисти (1984). 1956–1960-жылы М. Күрөңкөев атындагы музыкалык окуу жайында окуган.

В. Вишневский. «Оптимисттик трагедия». Комиссар – Т. Жумакаева. 1967.

1960-жылы Нарын облустук музыкалык дра­ма театрына кабыл алын­ган. Анда өмүрүнүн акы­рына чейин 41 жыл эмгек­тенип, театрдын профессио­налдык деңгээлинин өсү­шүнө салым кошкон. Күкүя (К. Маликов‚ «Алмаш»)‚ Жыпаргүл (Т. Абдымому­нов‚ «Атабектин кызы»)‚ Ханума (Цагарелли, «Ха­нума»), Чыйырды (Т. Акта­нов, «Теңири Манас»), Акбара (Ч. Айтматов‚ «Кыямат»)‚ Курманжан датка (К. Иманалиев‚ «Курманжан датка»), Найман эне («Кылым ка­рытар бир күн») жана башка көптөгөн образдарды жа­ратып, залкар актриса катары таанылган. Ал Ж.Шералиев‚ К. Тагаев‚ З. Иманалиев‚ Э. Маа­данбеков, К. Абылов, К. Жусупов жана башка белгилүү обончулардын ырларын мыкты аткарган. Т. Жумакаева че­бер уз катары да белгилүү. Медалдар менен сыйланган. Анын чыгармачылык жолу тууралуу Д. Аб­дылдаеванын «Эл кызы – Нарын жылдызы» аттуу китеби жарык көргөн (1996).

К. Иманалиев.