ГОЛЬДОНИ Карло

ГОЛЬДО́НИ Карло (25. 2. 1707, Венеция – 6. 2. 1793, Париж, Франция) – италиялык драматург, либреттист, котормочу, театр реформатору жана улуттук комедияны түзүүчү. Ал италян театрына реформа жүргүзүү менен реалдуу адам мүнөзүн чагылдырган драматургияны киргизип, феодалдык коомду сындаган. Анын реформасы 1748–1753-жылдары коюлган «Амалкөй жесир», «Катын ушак», «Эки мырзанын малайы» жана башка комедияларында да ишке ашкан. К. Гольдони үй-бүлө, тиричилик темасындагы комедияларына («Жигит менен айым», «Эки жүздүү» жана башкалар) жаӊы драмалык форма киргизип, аны жаӊы идея, жаӊы улуттук мазмун менен байыткан, чыгармаларында эл массасы башкы оӊ каарман катары берилет. Анын реформасы көпчүлүк агартуучулар тарабынан Италияда (П. Верри, Г. Гоци жана башкалар), ошондой эле чет өлкөдө да (Вольтер, Г. Е. Лессинг, И. В. Гёте) кубатталган. Ал 267 пьеса жазган.

Гольдони Карло

К. Гольдонинин эстелиги, Венеция, Италия.

Италия. Венециядагы Карло Гольдонинин Үй-музейи.

Ад.: Реизов Б. Г. К. Гольдони. 1707–1793. М.; Л., 1957.