ЖУСУПОВ Кеңеш

ЖУСУПОВ Кеңеш (14. 4. 1937-жылы туулган, Нарын облусу, азыркы Нарын району, Эчки-Башы айылы) – жазуучу, публицист, журна

лист, Кыргыз эл жазуучусу (1999), КРдин Ток­тогул атындагы мамлекеттик сыйлыгынын лауреаты (2004), КМПУнун профессору (2002). КМУнун филология факультетин бүткөн (1961). 1961–64-жылы «Тянь-Шань правдасы» ге­зитинде адабий кызматкер, 1964-жылы Кыргыз ССР Ми­нистрлер Советине караш­туу басма сөздө мамлекеттик сыр­ларды сактоо башкарма­лыгында кызматкер, 1966– 68-жылдарда «Кыргызстан» басма­сында, 1968–73-жылдарда «Кыр­гызфильм» киностудиясын­да редактор, 1973–77-жылдарда Кыргызстан жазуучулар союзунда адабий кеңешчи, 1978–82-жылдарда «Ала-Тоо» журналында адабий кызматкер, 1987-жылдан башкы редактор, Кыргызстан жазуучулар союзунун секретары болуп иштеген. Чыгармалары 1958- жылдан жарыялана баштаган. «Жашоо кума­ры» (1965), «Каралдым тоолор» (1967), «Мике­ланжело мекенинде» (1971), «Жүрөгүм менин тоолордо» (1972), «Ыр сабындагы өмүр» (1974), «Лесорубы» (М., 1975), «Ата журт» (1977), «Күл­гүн курак» (1979), «Сабыр и дедушка» (М., 1980), «Кан жолдогу ойлор» (1982), «Тоолуктар баяны» (1984), «Тулпар» (1988), «Сапар китеп» (1991), «Байыркынын издери» (2002), «Кыргыздардын байыркы маданияты» (2006) деген көркөм жана публицистикалык китептердин автору. А. Табалдиевдин өмү­рүнө арналган «Бир өмүрдүн сабагы» аттуу та­рыхый-биографиялык эссе, акын-жазуучулардын чыг­армачылыгына арналган адабий-сын багытындагы эс­селерди жаратты. Балдар үчүн «Манас» эпосун кара сөз түрүндө жазган. Айрым чыгармалары түрк, орус, украин, өзбек, татар, казак, чех, француз, араб ж. б. тилдерге которулган. «Кыр­гыз поэзиясынын антологиясы» (1-том, 1999), «Кыргыздар» 5 томдук (1991–2002) ж-а «Кыр­гыздар» 10 томдук (2004) китептердин түзүүчүсү. Ленин комсомолу сыйлыгынын (1975) лау­реаты. Медалдар менен сыйланган.