ЖҮЗҮМЧҮЛҮК

ЖҮЗҮМЧҮЛҮК – 1) айыл чарбанын жүзүм өстүрүү тар­магы. Анын өндүрүштүк төрт багыты бар: жү­зүмдү жаңы кезинде жергиликтүү керектөөгө жумшоо, ошондой эле тышка чыгаруу ж-а сактоо өндүрүшү; ме­йиз өндүрүшүн сырьё м-н камсыз кылуу базасы катары кишмиш мейиз сортторун тигүү; шарап чыгаруучу өнөр жайдын сырьё базасы катары заводдор­ду камсыз кылуу үчүн жүзүмдүн шараптык сорт­торун өстүрүү; консерва өнөр жайынын сырьёлук ба­засы катары шире, компот, кыям, маринад ж. б. чыгаруу үчүн сырьё өндүрүү. Жүзүмчүлүк – айыл чарбанын капи­талдык салымды ж-а эмгекти көп талап кылуу­чу ургаалдуу, абдан кирешелүү тармагы. Жүзүмдү башка өсүмдүк өстүрүүгө жараксыз таштак, аки­таштуу ж-а шордуу кыртышта, кумдак, тик беттерде өстүрүүгө болот. 2) Жүзүмдүн биологиялык өзгөчөлүгү ж-а өстүрүү ыкмалары жөнүндөгү илим. Жалпы жүзүмчүлүк жүзүмдүн биологиясын, экономия­сын ж-а агротехникасын изилдейт. Айрым жүзүмчүлүк жүзүмдү түрдүү өндүрүштүк багытта, ошондой эле жы­лытылмаларда өстүрүү үчүн ар кандай топурак-­климат шартына жараша агротехехникалык ыкманы иштеп чыгат. Ампелография – жүзүм сорттору ж-а түрү жөнүндөгү илим. Жүзүм селекциясы – жүзүмдүн жаңы сортторун чыгаруу жөнүндөгүдөгү окуу. Изилдөө иштери тиешелүү ИИИлдерде жүргүзүлөт. Адабиятын жүзүм макаласынан кара.