ГИЛЬЕН

ГИЛЬЕ́Н (толук аты – Г и л ь е н Б а т и с т а) Николас Кристобаль (10.7.1902, Камагуэй – 16.7.1989 Гавана, Куба) – куба акыны, публицист, коомдук ишмер. Гавана ун-тинин «Юриспруденция» адистигин бүтүрүп, юрист ж-а журналист болуп эмгектенген. Алгачкы ырлары 1919-ж. жарык көргөн. Г. «Бий кайрыктары» (1930), «Сонгоро Косонго» (1931), «Вест-Индия компаниясы» (1934) ж-а «Солдаттарга ыр, туристтерге бий», «Испания. Төрт кайгы ж-а бир үмүт жөнүндөгү поэма» (1937), «Бардык ырлар» (1947), «Куба элегиясы» (1953–54), «Эммет Тиллдин өлүмүнө элегия» (1956), «Көтөрүлгөн элдин көгүчкөнү» (1958), «Карибдин көк деӊизинде каалгыган кагаз кеме» (1978) ж. б. ыр жыйнактарынын ж-а бир нече поэмалардын, үч китептен турган «Шашылган сөз. 1929–1972» публицистикасынын автору. Чыгармалары кыргыз тилине которулган. Ал чыгармалары м-н Кубадагы фашизмге каршы күрөшүп, куугунтук жеген. 1954–59-ж. эмиграцияда жүргөн; СССР ж. б. өлкөлөрдө болгон. Элдик рев-янын жеӊишинен кийин (1959) мекенине кайтып келген. Ал Тынчтыктын бүткүл дүйнөлүк советинин мүчөсү (1950) болгон. «Элдердин ортосунда тынчтыкты чыӊдагандыгы үчүн» Лениндик сыйл. ыйгарылган (1954).
Чыг.: Новые стихи. М., 1966; Ырлар. Ф., 1964.
Ад.: Плавскин З. Николас Гильен. М.; Л., 1965.
Э. Кылычев.