ГОМОГЕНДИК СИСТЕМА

ГОМОГЕНДИК СИСТЕ́МА (гр. homogen |􀉟 s – бирдей, бир тектүү ) – мейкиндикте бир орундан экинчисине которулганда хим. курамы, темп-расы, басымы, чыӊалышы ж-а индукция векторлору, тыгыздыгы ж. б. физ. касиеттери үзгүлтүксүз өзгөргөн термодинамикалык система. Ал бир тектүү ж-а бир тектүү эмес болуп айырмаланат. Бир тектүү Г. с-нын түрдүү бөлүктө-рүндө касиети бирдей, ал эми бир тектүү эмесинде ар түрдүү болот. Газ аралашмалары, катуу же суюк эритмелер Г. с-нын мисалы болуп эсептелет.