ГОМОЛОГИЯ КАТАРЫ

ГОМОЛО́ГИЯ КАТАРЫ – бир же бир нече метилен топтору – СН₂ – м-н айырмаланып, хим. касиеттери окшош, бирдей түзүлүштөгү орг. бирикмелердин катары. – СН₂ – тобу гомологиялык айырма деп аталат. Г. к. түшүнүгүн 1845-ж. 1-жолу фр. химик Ш. Жерар сунуш кылган. Молекуладагы көмүртек атому n м-н белгиленип, Г. к-на жалпы формула берилет. Метан СН₄, этан С₂Н₆, пропан С₃Н₂ ж. б. алкандардын Г. к-нын жалпы формуласы СnН_2n+2. Молекуласында бирден кош байланышы бар каныкпаган углеводороддор: этилен С₂Н₄, пропилен С₃Н₆ ж. б. алкендердин (С_nН_2n) Г. к-ын түзөт. Бир негиздүү каныккан спирттердин: метанол СН₃ОН,
этинол С₂Н₅ОН ж. б. жалпы формуласы С_nН_2n+1ОН.