ВАЛЬДХАЙМ

ВА́ЛЬДХАЙМ Курт (21. 12. 1918, Төмөнкү Австрия, Санкт-Андре-Вёрдерн – 14. 6. 2007, Австрия, Вена) – австриялык мамл. ишмер, дипломат. Укук илимд. доктору. 1937–38-ж. Вена консулдук академиясында окуган. 1939-ж. Вена ун-тинин юридика ф-тине

тапшырып, 1944-ж. бүтүргөн. 1945-жылдан дипл. кызматта. 1948–51-ж. Париждеги австриялык элчиликте секретарь, 1951–55-ж. ТИМдин кадрлар башкармалыгынын башчысы, 1955-ж. БУУда байкоочу, 1956–58-ж. БУУнун посланниги, 1958–60-ж. Австриянын Канададагы элчиси, 1960–64-ж. ТИМдин саясий департаментинин башкы директору, 1968–70-ж. тышкы иштер министри, 1964–68-ж. ж-а 1970–71-ж. Австриянын БУУдагы туруктуу өкүлү, 1972–81-ж. БУУнун 4-генералдык секретары, 1982-жылдан БУУнун өнүгүп келе жаткан өлкөлөр б-ча атайын өкүлү. 1986–92-ж. Австриянын федералдык президенти болуп иштеген.
Эмг.: Австрийский путь. М., 1976.