ВАХШ

ВАХШ – Тажикстандагы дарыя, Аму-Дарыянын оӊ түзүүчүсү. Уз. 524 км, алабынын аянты 39,1 миӊ км². Кызыл-Суу м-н Мук-Суу д. кошулгандан Сурхоб аталып, батышты карай агат; ага Обихингоу д. куйгандан кийин В. аталып түш.-батышка бурулат. Андан ары Вахш өрөөнү аркылуу агат. Суусунун орт. чыгымы төмөн жагында 666 м³/сек, эӊ көбү – 3120 м³/сек, эӊ азы 130 м³/сек. Суусунун киргилдиги м-н айырмаланат (5,77 кг/м³). Сугатка кеӊири пайдаланылат. В. д-нда Нурек, Байпаза, Башкы Рогун ГЭСтери курулган. Боюнда Нурек, Калининабад ш. жайгашкан.