ВЕРМИКУЛИТ

ВЕРМИКУЛИ́Т (лат. vermiculus – кичинекей курт) – гидрослюдалар тобундагы минерал. Хим. формуласы MgХ(Mg, Fe)_3–Х[AlSi₃О₁₀](OH)₂ .4H₂O.

Кошундулары: Ca, Ni. Агрегаты кабырчыктуу, чанда кристалл түспөлүндө болуп, алтындай сары, күрөӊ. Моноклин сингониясында кристаллданат. Катуулугу Моос шкаласы б-ча 1–1,5. С. салм. 2,4–2,7, тыгыздыгы 2400–2700 кг/м³. В-ти 400°Сге чейин ысытканда көлөмү он эсеге чоӊоёт. Биотит, флогопит минералдарынын өзгөрүшүнөн пайда болот. Жылуулук, үн өткөрбөөчү материал ж. б. катары курулуш ишинде ж-а хим. өнөр жайында, а. ч-нда колдонулат.