ГАЗА

ГА́ЗА – Жер Ортолук деӊиздин чыгыш жээгиндеги шаар. Калкы 409,0 (2006). Байыркы убакта эле негизделген. О. кылымда Араб халифатынын, андан соӊ Египет династияларынын, 16-к-дын башталышында Осмон империясынын бийлигинде, 1920–47-ж. Англиянын мандаты м-н башкарылуучу Палестинанын курамына кирген. БУУнун Генералдык Ассамблеясынын 1947-ж. 29-ноябрдагы чечими б-ча шаар чет-жакасы м-н араб мамлекетинин аймагына кошулган. 1948–49-ж. Араб-Израил согушунан кийин Газа ш. ж-а сектору (аянты 258 км²) Египеттин башкаруусуна өткөн. 1967-ж. июнда Израил аскерлери басып алган. 1994-жылдан Убактылуу Палестина автономиясынын курамында.