ГЕОМАГНЕТИЗМ

ГЕОМАГНЕТИ́ЗМ, ж е р м а г н е т и з м и – геофизиканын Жердин магнит талаасынын мейкиндикте таралышын ж-а мезгилге карай өзгөрүшүн, о. эле Жердеги ж-а анын магнит сферасындагы геофиз. процесстерди изилдөөчү тармагы. Жердин магнит талаасы мейкиндиктин ар бир чекитинде багыты ж-а чоӊдугу х, у, z үч түзүүчүсү болгон Т чыӊалыш вектору же жер магнетизминин үч элементи горизонталь түзүүчүсү Н, магниттик эӊкейиши Д (горизонталь түзүүчү м-н геогр. меридиандын ортосундагы бурч) ж-а магниттик кыйшаюу J (вектор м-н горизонталь тегиздиктин арасындагы бурч) аркылуу мүнөздөлөт.