ГЕОЭКОЛОГИЯЛЫК КАРТА ТҮЗҮҮ

ГЕОЭКОЛОГИЯЛЫК КА́РТА ТҮЗҮҮ – аймактын геоэкологиялык шартын изилдеп ж-а анын картографиялык моделин түзүү б-ча талаа, лабор. ж-а камералык иштердин жыйындысы. Геоэкол. шартка адамзаттын ден соолугуна таасир тийгизүүчү табигый чөйрөнүн мүнөзү ж-а касиеттери, чарбалык системанын иштөөсү, биоценоздордун абалы ж-а алардын техногендик таасирге туруктуулугу кирет. Г. к. т. табигый чөйрөнү коргоо ж-а аны сарамжалдуу пайдалануу б-ча иш-чараларды негиздейт. Г. к. т. үчүн төмөнкү маселелерди чечүү зарыл: 1) табигый чөйрөнүн касиеттерин изилдөө, алардын мейкиндик б-ча өзгөрүү закон ченемин аныктоо, жалпы мүнөздөмөсүн алуу, табигый абалын типтештирүү; 2) геосистемалардын табигый ж-а техногендик таасирлерге реакциясын, алардын таасиринен геол., геофиз., геохим. процесстердин өнүгүү закон ченемдүүлүгүн изилдөө, экол. ж-а инж. тобокелдикке баа берүү; 3) техногендик таасирдин булактарын аныктоо ж-а аларга экол. мүнөздөмө берүү м-н табигат чөйрөсүнүн өзгөрүү мүнөзүн ж-а масштабын аныктоо; 4) учурдагы табигый чөйрөнүн абалына баа берүү, техногендик таасирден анын өзгөрүү деӊгээлин, экол. кырдаалды ж-а экол. абалдын өнүгүү тенденциясын аныктоо.
Р. Осмонбекова.