ГЕОЭКОСИСТЕМА

ГЕОЭКОСИСТЕ́МА – өзүнө катуу, суюк, газ фазаларын ж-а тирүү затты камтыган табигый геол. объектилердин ж-а аларды курчаган чөйрөнүн жыйындысы. Жердин өнүгүү тарыхында Г. көптөгөн космостук, эндогендик, экзогендик факторлорго, о. эле түрдүү талаалар (магнит, электр, жылуулук ж. б.) байланыштуу болот. Булардын бирдиктүү таасиринен Жер шарында негизинен эвол. өзгөрүүгө дуушарланган салыштырмалуу стационардык абал түзүлүп, алаамат энергия булактары ж-а заттар пайда болууда. Алардын ичинен негизгилери табигый суусу ж-а анда эриген хим. элементтер болуп эсептелинет.
М. Толоев.