БУССОЛЬ

БУССО́ЛЬ – магниттик меридиан м-н кандайдыр бир нерсеге жиберилген багыттын (азимуттун) арасындагы горизонттук бурчту өлчөөчү геод. аспап. Айнектелген тегерек кутучанын ортосунда бекитилген айланма магнит жебеси болот. Кутучада градустарга бөлүнгөн тегерекче (лимб) ж-а бир нерсеге багытталуучу оптикалык дүрбү бар. Б. топогр.-геодезиялык жумуштарды жүргүзүүдө, артиллерияда ж. б. Пайдаланылат да, анын артиллерияда асма, күзгүлүү, автоколлимациялык түрлөрү болот.