БЫЧУУЧУ МАШИНА

БЫЧУУЧУ МАШИ́НА – бычуу үчүн даярдалып коюлган кат-кат полотнону үлгүгө салып кесүүчү машина. Кездеменин бычылышы машинанын констр-сына, кездеменин калыӊдыгына ж-а сапатына жараша болот. Тигүү өндүрүшүндө бычагы көбүнчө түз ж-а диск түрүндөгү машиналар колдонулат. Мындай машинанын бычагы болоттон жасалып, алдыга ж-а артка жылат. Бычагы диск түрүндөгү машина кесүүгө даярдалган материалды тез кесет.