БЫШЫКТЫК ЧЕГИ

БЫШЫКТЫК ЧЕГИ , б е к е м д и к ч е г и – материалдын мех. мүнөздөмөсү. Анын төмөнкүдөй түрлөрү бар: 1) убактылуу каршылык көрсөтүү – үлгүнүн талкалануу алдында эӊ чоӊ күчкө туруштук берүүчү шарттуу чыӊалуусу (аракет этүүчү күч үлгүнүн алгачкы туурасынан кесилиш аянтына болгон катышы м-н аныкталат). 2) Б. ч. талкалануу аймагында үлгүнүн туурасынан кесилиш аянты өзгөрбөй убактылуу каршылык көрсөтүүсү, мис., чоюлууга дуушар болгон үлгүнүн ичкербей (жерг. ичкерүү) туруп үзүлүшү. Б. ч. бир аз өлчөмдөгү пластикалуу деформация (майышма өзгөрүү) кезинде талкалана турган материалдын негизги мүнөздөмөсү болуп эсептелет.