БЮЛЛЕТЕНЬ

БЮЛЛЕТЕ́НЬ (фр. bulletin, итал. bulletino – жазылган кат, баракча) – 1) расмий актылардын, буйруктардын ж. б. жыйнагы; 2) расмий кыскача билдирүү (аскердик аракеттердин жүрүшү, ден соолуктун абалы, аба ырайы ж. б. ж-дө); 3) өзүнүн иш-аракеттери ж-дө жаӊы маалыматтарды билдирип туруучу кайсы бир мекеме, уюм, органдын мезгилдүү же уланып чыгуучу басылмасы («Өкмөттүн бюллетени», «Жогорку Соттун бюллетени»); 4) шайлоо Б-и – талапкердин аты-жөнү жазылган документи; 5) медицина Б-и, б. а. Жумушка жараксыздыгы ж-дөгү баракча.