БӨКӨНБАЕВ ГРАНИТ КЕНИ

БӨКӨНБАЕВ ГРАНИ́Т КЕНИ Ысык-Көл обл-нун Тоӊ р-нунда, Бөкөнбаев кыш-нан 5 км түш.-батыш тарапта, Дубана тоосунун чыгыш жак этегинде. 1975-ж. геол. чалгындоо жумуштары жүргүзүлгөн. Аймагын ордовик мезгилинде жиреп чыккан интрузия тектери түзөт. Кен интрузиянын арасында 2 фазада пайда болгон орт. ж-а майда кристаллдуу бозомук, кызгылтым граниттен турат. Гранит аз жаракалуу, үбөлөнүүгө дуушарланбаган. Аянты 200х300 м. Блоктун чыгышы 30–40%. Граниттен курулуш таштарынан сырткары кооз белек буюмдарын да жасоого болот. Запасы 1 млн м³.