БРИГАДА

БРИГА́ДА (фр. brigade, итал. brigata – топ, отряд) – 1) кургактагы аскерлерде бир нече батальон (дивизион) же полктон ж-а атайын аскер бөлүкчөлөрүнөн турган бирикме. Б. мото аткыч (жөө аскер), танкалык, артиллериялык, инж., аба-десанттык, деӊиз жөө аскери ж. б. болуп бөлүнөт; 2) Аскер-деӊиз флотунда Б. – бир класстагы аскер кемелеринин тактикалык бирикмеси. Чет өлкөлөрдө 16-к-дын экинчи жарымынан киргизилген.