БИОТИТ

БИОТИ́Т (фр. илимпоз Ж. Б. Бионун ысмынан) – слюдалар тобундагы минерал. Хим. Формуласы K(Fе, Mg)₃[(Al₂Fe)Si₃O₁₀](OH, F)₂. Моноклин cингониясында кристаллданат. Өӊү кара, кара күрөӊ, кочкул жашыл, коӊур күрөӊ. Катуулугу Моос шкаласы б-ча 2,5–3. С. салм. 2,7–3,3. Тоо тектерди түзүүчү минерал иретинде ар түрдүү магма ж-а метаморфизм тоо тектеринин курамында болот. Б. Электр-техникасында ж-а боёк жасоодо колдонулат, к. Слюдалар.