БАНДЕРА

БАНДЕ́РА Степан Андреевич (1. 1. 1909, Эски Утринов, Австрия-Венгрия, Лодомерия ж-а Галиция королдуктары – 15. 10. 1959, Мюнхен, ФРГ) – Украина улутчулдар уюмунун лидери. 1934-жылдан анын аткаруу к-тинин төрагасы. 1934-ж. Польшанын тышкы иштер министрине кол салууну уюштургандыгы үчүн өлүм жазасына өкүм кылынган, жаза түбөлүк камак м-н алмаштырылган (1939-ж. бошотулган). 1941-ж. июнда Львовдо Украинанын көз каранды эместигин жарыялаган. 1941–44-ж. немецтик концлагерде отурган. 1945–47-ж. Батыш Украинада аракеттенген козголоӊчулар армиясын жетектеген. Атайы уюштурулган террордук актынын натыйжасында өлтүрүлгөн.