БАТМАН

БАТМАН – 1) салмак чен бирдиги. О. Азия элдеринде Октябрь рев-ясына чейин колдонулуп келген. Б-дын ченем бирдиги ар кайсы жерде ар түрдүү алынган. Мис., Ташкент, Кокон, Самарканд ш-нда бир Б. 8 пудга, Олуя-Ата ж-а Талас өрөөндөрүндө 12 пудга барабар болгон; 2) аянт өлчөө бирдиги. Б. Ташкентте бир теше, Талас өрөөнүндө 12 теше жерге барабар болгон; 3) салмагы белгисиз чоӊ өлчөм бирдиги. Кырг-нда Совет бийлиги орногондон кийин дүйнө элдеринде кабыл алынган чен бирдиктеринин киргизилиши м-н Б-дын 3-мааниси калды.