БАТОЛИТ

БАТОЛИ́Т (гр. bfthos – тереӊдик, lнthos – таш) – жердин тереӊ катмарларында пайда болгон ири көлөмдүү (200 км² аймакты ээлеген) интрузия (көбүнчө гранитоид) тоо тектеринин жайгашуу формасы. Зюсстун (Suess, 1888) биринчи көз карашы б-ча Б. төмөн карай чексиз тереӊдикке созулган, зор өлчөмдөгү магмалык массив деп эсептелген. Кийинки кезде геофиз. изилдөөлөрдүн натыйжасында Б-тердин астында метаморфизм тоо тектеринин жайгашкандыгы, алардын ар түрлүү көлөмдөрдө ж-а калыпта (формада) болуп, өлчөмдөрү чексиз эместиги белгилүү болду. Б. орун алган жерде калай, вольфрам, алтын ж. б. металлдардын кендери (Кырг-нда Сары-Жаз, Суусамыр ж. б. ) кездешет.