БАТЫРБАЕВА

БАТЫРБАЕВА Шайыркүл Джолдошевна (8. 3. 1960-ж.т., Ысык-Көл обл., Жети-Өгүз р-ну, Чычкан айылы) – тарыхчы, тарых илимд. доктору (2010), проф. (2011). 1983-ж. М. В. Ломоносов атн. Москва мамл. ун-тин бүтүргөн. 1986-жылдан КМУнун тарых ф-тинде окутуучу, доцент, 1999-жылдан КМУУнун тарых ж-а чөлкөм таануу ф-тинин деканы, кафедра башчысы. 2005-жылдан Кыргыз-Россия Славян ун-тинин гуманитардык ф-тинин тарыхый информатика лабор-сынын башчысы. «Тарых жана компьютер» эл аралык ассоциациясынын мүчөсү. 80ден ашуун ил. эмгектин, (а. и. беш монографиянын, 3 патент, 4 окуу методикалык колдонмо) автору. РФтин Пушкин медалы м-н сыйланган.