БАЯНДАМА

БАЯНДАМА – ар кандай саясий, социалдык, экон., маданий, эл аралык, аскердик, спорттук ж. б. окуялар м-н көрүнүштөрдү талдап кароочу гезит-журнал макаласы. Ал мезгилдүү басма сөз пайда болгондон мурда эле колдонулуп келген. Аны Плутархтын тексттеринен (1–2-к.), кытайлык Ван-Ан-Хинин (2-к.) дидактикалык Б-ларынан, Монтендин (16-к.) «Тажрыйбаларынан» ж-а Луис Себастьян Мерсьенин (18-к.) «Парижди баяндоо» аттуу китебинен табууга болот. Азыркы учурдагы Б. – радиоуктуруу ж-а телекөрсөтүүдө өзүнчө рубрика. КТР, «Замана», «5-канал», «НБТ», «Пирамида» телеканалдары б-ча «Ала-Тоо», «Апта», «Жаӊылыктар убактысы» («Время новостей»), «Спорт мозаикасы» ж. б. маалыматтык-талдоо программалары аркылуу ар кандай Б-лар берилип турат.