БОКЧУБАЕВ Эрнисбек Тентиевич

БОКЧУБАЕВ Эрнисбек Тентиевич ( 1963-жылы туулган, Нарын облусу, Жумгал району, Кайырма айылы) – медицина илимдеринин доктору (2006). И. К. Ахунбаев атындагы КММИни бүтүргөн (1986). Эмгек жолун СССР МИАнын А. Л. Мясников атындагы Бүткүл союздук кардиология борборунда клиникалык ординатор, аспирант болуп баштаган. КР Саламаттык сактоо министрлигинин Кыргызстан кардиология ИИИде кенже илимий кызматкер; ошол эле министрликтин медициналык техника жана стандарттоо боюнча башкармалыгынын инспекция бөлүмүндө улук инспектор, Лицензия-аккредитациялык комиссиясынын начальниги, инспекция бөлүмүнүн башкы адиси; Медициналык аккредитация комиссиясында улук эксперт; КМИЖжККМИде окуу жана илимий иштер боюнча проректор. ЮСАИДдин алкыш каты жана Ардак грамотасы менен сыйланган. Бардыгы 89 илимий эмгеги, анын ичинен 3 монографиясы, 2 окуу китеби жарык көргөн.
Эмг.: Основы менеджмента в здравоохранении: метод. пособ. –Б., 2014.–184 с.