ВАЙДА
ВА́ЙДА (Wajda) Анджей (6. 3. 1926, Сувалки шаары – 9. 10. 2016, Варшава) – поляк режиссёру. Краковдо Көркөм сүрөт искусство академиясында окуган. Лодздагы Кинематография жана театр искусствосунун мамлекеттик жогорку мектебин бүткөндөн кийин (1954) режиссёрдун ассистенти болуп иштеген. «Муундар» кино тасмасында (1955; Польша Эл Республикасынын мамлекеттик сыйлыгы, 1955) 2-дүйнөлүк согуштун акырындагы антифашисттик күрөштүн жаш баатырлары тууралуу баяндалат. 1950–1960-жылдарда «Канал» (1957), «Күл жана алмаз» (1958), «Лётна» (1959), «Самсон» (1961) тасмаларын койгон. Поляк классиктеринин чыгармаларын экрандаштырган. Вайда киноискусствого сиӊирген зор эмгеги үчүн эл аралык кинофестивалдардын сыйлыктарына (1998, 2006) татыган. «Мрамордон жасалган адам»
(1976), «Наркозсуз» (1978), «Темир адам» (1981), «Дантон» (1983) жана башка тасмаларды тарткан. Оскар сыйлыгын (2000), «Алтын аюу» мамлекеттик сыйлыгын (2006) жана башкаларды.алган.
А. Пазылов.