ВЕНЕРН

ВЕ́НЕРН – Батыш Европадагы ири көл. Швециянын түштүгүндө. Аянты 5,5 миӊ км², тереӊдиги 100 м. Чанагы мөӊгүнүн аракетинен ж-а тектон. кыймылдан пайда болгон. Жээги көбүнчө жапыз, булуӊ-буйткалуу, аралдары көп. Көлгө 30дан ашык суу куят (эӊ ириси – Кларэльвен), Гёта-Эльв д. агып чыгып, Каттегат кысыгына куят. В. – Стокгольм – Гётеборг ички суу жолунун бир бөлүгү. Жээгинде Карльстад, Мариестад, Венерсборг ш. жайгашкан.