ГАУДИ

ГА́УДИ́ (Гауди-и-Корнет) Антонио (26. 6. 1852, Таррагона провинциясы, Реус – 10. 6. 1926, Барселона) – испан архитектору. 1868-жылдан Барселонада жашаган. Архитектуранын жогорку техникалык мектебинде окуган. Гауди курулуштарда (Саграда-Фамилия чиркөөсү, 1884–1926) архитектуралык формалардын кооздугуна жана таасирдүүлүгүнө жетишкен. Гуэль паркындагы ансамбли (1903–1908), «модерн» стилиндеги үйлөр (Каса Батльо, 1904–1906; Каса Мила, 1905–1910) жаӊычыл конструкциялуу курулуштары

А. Гауди. Барселонадагы Каса-Батльо имаратынын
көрүнүшү. 1904–1906.

(параболалык аркалар, жантык таянычтар, оӊтойлуу своддор) менен укмуштуудай чоң таасир калтырган.