ГРЕКОВ
ГРЕ́КОВ Митрофан Борисович [1911-жылга чейин М а р т ы щ е н к о Митрофан Павлович; 3 (15). 6. 1882, азыркы Ростов облусу, Шарапаевка хутору – 27. 11. 1934, Севастополь)] – живописчи, сүрөтчү, баталист. Одесса сүрөтчүлөр окуу жайында (1898–1903), кийин Петербург сүрөт академиясында (1903–1911) окуган. Советтик баталдык живопистин баштоочусу. Граждандык согуштун (1918–1920) реалдуу окуяларына алгачкылардан болуп кайрылган «Будённыйдын отрядына» (1923), «Тачанка» (1925), «Биринчи атчандар армиясынын сурнайчылары» (1934) (баары Третьяков галереясында) жана башка чыгармаларында 1-Атчандар армиясынын даӊктуу жолу жана совет бийлиги үчүн күрөшкөн элдин образы чагылдырылган. 1935-жылы түзүлгөн Аскер сүрөтчүлөрүнүн студиясы М. Грековдун атында. Минск шаарынын бир көчөсүнө Митрофан Борисович Грековдун ысмы берилген. Москва шаарындагы Третьяковский мамлекеттик Галереясында анын бир нече эмгектери сакталган.
