ГЯУРОВ
ГЯУ́РОВ Николай (13. 9. 1929, Велинград, Болгария – 2.6.2004, Италия, Моден) – болгар опера ырчысы (бас), Болгария Эл Республикасынын эл артисти (1962). София консерваториясында окуган, Москва консерваториясында билимин жогорулаткан (1955). 1956-жылдан София элдик театрында, 1957–1958-жылдары СССР Чоӊ театрында, 1960–2004-жылдары «Ла Скала» театрында (Милан) солист. Комедиялык жана лирикалык партияларды аткарган: Дон Базилио (Россини, «Севильялык чачтарач»), Мефистофель (Гуно, «Фауст»), Пимен жана Варлаам (Мусоргский, «Борис Годунов»), Галицкий (Бородин, «Князь Игорь»), Креон (Керубини, «Медея»), Гремин (Чайковский, «Евгений Онегин») жана башка дүйнөнүн ири театрларында ырдаган.
