ВИРТУОЗ
ВИРТУО́З (итальянча virtuosо, лат. virtus – күч, талант, сыймык) – өз өнөрүнүн аткаруучулук чеберчиликтерин өтө мыкты өздөштүргөн музыкант-аткаруучу (артист, сүрөтчү жана башкалар). Виртуоз көбүнчө музыкалык аспаптарды кубулта ойноочуларга жана ырчылардын чыгармачылык чеберчилигине карата айтылат. Мисалы, Токтогул, Атай, Ныязаалы, Айдараалы жана башкалар комуз чертүүнүн виртуоздору болушкан.